Qashqadaryo viloyati hokimining birinchi oʻrinbosari A.Qodirov va Nishon tumani hokimi B.Togʻayev, Turkiyalik investorlar bilan muzokara oʻtkazdi.

Viloyat hokimining birinchi oʻrinbosari A.Qodirov, tuman hokimi B.Togʻayev va hokimlik masʼullari ishtirok etgan uchrashuvda Nishon tumanida "Murel" kompaniyasi tomonidan quvvati 400 MvT boʻlgan hamda qiymati 200 mln AQSH dollarni tashkil etadigan issiqlik elektr stansiyani qurish boʻyicha bir qator loyihalar muhokama qilindi.

Shuningdek, muzokaralar davomida xorijiy investorlar bilan tumanning ijtimoiy-iqtisodiy rivojlantirish maqsadida istiqbolli loyihalar ishlab chiqish va uni hayotga tatbiq qilish boʻyicha fikrlar almashildi.

Qariyb 1 soatdan koʻp vaqtda oʻtkazilgan muzokaradan soʻng dastlabki kelishuvlarga erishildi va jonliq soʻyilib nuroniylar ishtirokida duo-fotiha qilindi.

Eslatib oʻtamiz: Ushbu issiqlik elektr stansiyasining ishga tushishi bilan 500 nafarga yaqin yangi ish oʻrinlari yaratiladi.

Nishontumani.uz |Telegram|Instagram|Facebook|You tube