Nishonlik o‘quvchining kitob taqdimoti o‘tkazildi

Oʻzbekiston Respublikasi Prezidentining 2021-yil 26-martdagi "Maʼnaviy-maʼrifiy ishlar tizimini tubdan takomillashtirish chora-tadbirlari toʻgʻrisida"gi qarorida, joylarda Maʼnaviyat va maʼrifat maskanlarini barpo etish hamda boʻsh turgan binolarda mahalliy byudjet mablagʻlari hisobidan tashkil etilishi belgilangan edi. Shunga koʻra, Respublika Maʼnaviyat va maʼrifat Markazi Nishon tuman boʻlinmasi oʻz faoliyatini kapital taʼmirlanib, barcha qulayliklarga ega boʻlgan binoda boshlagan edi.

Mazkur qarorga koʻra, har bir umumtaʼlim muassasasida ijodiy-madaniy masalalar boʻyicha targʻibotchi lavozimi joriy etilib, targʻibotchilar oʻquvchilar bilan muntazam ish olib borilishi belgilangan. Buning samarasi oʻlaroq yoshlarning badiiy ijodkorlikka boʻlgan qiziqishlari yanada ortib, ularning yangi-yangi asarlari chop etilib, maʼnaviyat maskanlarida kitob taqdimotlari muntazam o‘tkazilib kelinmoqda.

Jumladan, Nishon tumanidagi 31-umumiy oʻrta taʼlim maktabining 7-"B" sinf oʻquvchisi Gulchehra Abduhalilovaning "Kamalak" nomli kitobi taqdimoti boʻlib oʻtdi. Tadbirda tumandagi ijodkor oʻquvchilar, ustozlar hamda ota-onalar taklif etildi. 

Respublika Maʼnaviyat va maʼrifat Markazi Nishon tumani boʻlinmasi rahbari Xoʻjamqul Davronov kitob taqdimotiga bagʻishlangan tadbirni ochar ekan, yosh ijodkorlarga omad tilab, yosh ijodkorga esdalik sovg‘alarini topshirdi.

Tadbir yakunida, "Kamalak" kitobining muallifi Gulchehra Abduhalilova tengdoshlariga oʻz kitobini sovgʻa qildi.