Nishonda yo`l harakati qoidalari buzilishining oldini olish maqsadida ishchi guruh tuzildi

O'zbekiston Respublikasi Bosh vaziri A.Aripov tomonidan 2022-yil 31-mart kuni tasdiqlangan "2022-yilda Qashqadaryo viloyatida yo'l harakati xavfsizligini ta'minlash to'g'risidagi yo'l xaritada belgilangan vazifalar ijrosini ta'minlash yuzasidan Nishon tumanida alohidaishchi guruh tuzildi.

Oʻzbekiston Respublikasi Prezidentining 2022-yil 4-aprel kungi "Avtomobil yo'llarida inson xavfsizligini ishonchli ta'minlash va o'lim holatlarini keskin kamaytirish chora-tadbirlari toʻgʻrisida"gi PQ-190-sonli qarorining 4-band G-bandida berilgan imkoniyatlardan foydalangan holda hamda O'zbekiston Respublikasi Bosh vaziri A.Aripov tomonidan 2022-yil 31-mart kuni tasdiqlangan "2022-yilda Qashqadaryo viloyatida yo'l harakati xavfsizligini ta'minlash" to'g'risidagi yo'l xaritaning 14-bandi ijrosini ta'minlash maqsadida Nishon tumani IIB YXXB xodimlari tomonidan tuman hududida sodir etilayotgan yo'l transport hodisalari, ularda vafot etgan va tan jarohati olganlarning salmog'i yuqori boʻlgan "qizil" toifaga kirgan mahallalar, xavfli hududlar hamda avariya o'choqlari to'g'risida har haftada tuman hokimiga axborot kiritilishi belgilandi.

Shuningdek, ushbu hududlarda haydovchilar tomonidan belgilangan tezlikka amal qilinishini nazorat qilish uchun yo'l harakati qoidalari buzilishini qayd etuvchi maxsus avtomatlashtirilgan foto va video dasturiy-texnik vositalarini o'rnatish maqsadida joylarini o'rganib chiqish bo'yicha ishchi guruh tuzilib, o`z faoliyatini boshlab yubordi.