Нишон туманида Раҳбар ва ёшлар учрашуви бўлиб ўтди

Бугун Нишон туманида ёшларнинг муаммоларини ҳал этиш уларни қўллаб-қувватлаш мақсадида “Раҳбар ва ёшлар” учрашуви бўлиб ўтди.

Унда туман ҳокими Ботир Тоғаев, сектор раҳбарлари ҳамда қатор мутасадди ташкилот вакиллари ва тумандаги бир гуруҳ ёшлар иштирок этди.

Очиқ мулоқот тарзида ўтказилган мазкур учрашувда ёшларнинг таклиф мулоҳазалари тингланди.

Жараёнларда ёшлар муаммолари айримлари жойида ҳал этилган бўлса айрим мурожаатларни ўрганиш учун топшириқлар берилди.

Мулоқот сўнгида раҳбарлар томонидан «Ёшлар дафтари»га киритилган 13 нафар ёшларнинг олий таълим муассасаларида тўлов-контракт бўйича йиллик харажатлари, 2 нафар ёшларга субсидия асосида асбоб-ускуналар, 7 нафар ёшларга даволаниш учун сертификатлар топширилди.